بقلم: عادل عبد الرازق
صفرت سفاين الغربة
يامًاه وبكت عينيكي
بدأت افارق حضنك
وإيديً بتشاور ليكي
صعب الفراق صدقيني
صعب يا شوقي وحنيني
لكن مكتوب علينا
تفترق يامًاه إيدينا
تترسم دموع عينينا
وأودًع يا أمي عينيكي
وأفارق ياغالية واديكي
صفرت سفاين الغربة
يامًاه وبكت عينيكي
مرً اللحظة بينا
لكن غصب عنا
أنا اترفضت في مكاني
في ألف مدينة ووادي
وعشت عمري أنادي
لكن صوتي راح
في الهوا والرياح
ولا قدرت يوم ارتاح
وتعبت معايا مشاويري
وغيًروا ملامح ضميري
واتسرق مني مصيري
وتهت يامه حواليكي
صفرت سفاين الغربة
يامًاه وبكت عينيكي