طاهر مختار
عايزين نشوف طريقه تريحنا وتطهر نفوس الناس اللى بتكرهنا.
عشان ربنا يقبل أعمالنا فيها ايه لو إتنازلنا وبدأنا نعدل أخطأنا.
يمكن نكون إتظلمنا لكن نرضى ربنا عشان يحسن ختامنا.
دا العمر بيعدى أوام وبسرعه وف لحظه الموت بيخدعنا.
واحنا مش واخدين بالنا دى حقيقه والمفروض تشغل تفكيرنا.
ونرجع زى ماكنا احبه ومحدش يلوم علينا ويعاتبنا.
البدايه بتكون صعبه لكن هاترتاح ضمايرنا لو سامحنا.
يمكن ربنا يرضى عنا ومش عارفين مين فينا الضحيه لما ربنا يسألنا.
ازاى هندخل الجنه وقلوبنا من الكره بتلازمنا وشئ مسيطر ع تفكرنا.
الأخره مره ولازم قلوبنا تكون صافيه ومحدش يلومنا لو اتصالحنا.
كفايه بعاد ووحده وقلوب مالياها القسوه بطريقه توجعنا وتكون دافع لانهيارنا.
نراجع حساباتنا ونكسر حاجز الكره اللى مسيطر ع حياتنا.
دى دنيا فانيه وكترت ذنوبنا بنظره وبسمه وكلام مالوش لازمه كان سبب ف فراقنا.
لازم نهدى ونحكم عقولنا ونشوف طريقه تقربنا مش تبعدنا .
دى قصيده مهمه هاتفيدنا ف حياتنا وحسنه ربنا يكتبهالنا وتكون دافع لهدايتنا.
وننزع الكره اللى داخل صدورنا ونكمل مع بعض مشوارنا.
بنيه صافيه تجمعنا ع الحب والخير والموده والكلمه الطيبه اللى بتريحنا.
بس نسعى وننسى أي شئ كان سبب ف انفصالنا وخصامنا مع مرور أيامنا.
شاعرالعصر صاحب كلمه لها مضمون ومعنى تفدنا ف حياتنا الشخصيه والعامه وربنا شاهد ع أعمالنا...