بقلم/ عادل سيف
اقولك سر؟!
يوماتي في ناس بتسألني؟!
عن اسمك؟!
وعن رسمك؟!
وعن شكلك
وعن وصفك؟!
صديقة فيس هيا
ولّاصديقة حي؟!
وليه اصلا انا اخترتك؟!
وليه لما بتيجي سيرتك
بيلمحوا بين عنيا الضي
يجوز محبوبتي مش حلوة
لكن ف عنيا ملهاش زي
حبيبتي لما بحكيلها
هموم الدنيا عني تزول
ومش ها اقدر أوفيلها
عشان والله بنت أصول
حبيبتي حلم مش اكتر
ونفسي الحلم يتفسر
بقولك صح؟؛
في حد فيوم سأل عني؟؛
وكان ردك عليهم أيه؟!
وليه قلبك رافض إنه
يصارحني
ومصعبتش ف مرة عليه؟!
يابخت القلب اللي فيوم
ترضي عليه
سؤال عشان طولت عليكي
لو سألوني تاني عليكي
اقولهم أيه؟!؟!