سعيد عبد العزيز الحاجه
مصر مش تكيه
يقسموها العصبجيه
ولا شعبها عمال وسيه
وأرضها مش سبيه
يوزعوها البلطجيه
ومسنُودين بأيدين خفيه
ووشوشهم تقول تقيه
ويسجدوا لرب البريه
تقول ملايكه ربانيه
وهم شوية حراميه
مصر مش تكيه
فى التعينات بالمحسوبيه
وفى التعليم مهلابيه
وفى الصحه تقول تكيه
والشعب هو الضحيه
والدعم رايح سكه تانيه
والفقير يصبر شويه
يا ريس يلا شوط
كفايه صمت بلاش سكوت
طهر بلدنا شبعنا موت
رجع حقوقنا من الأخطبوط
صوت الحق لن يموت
هفضل أصرخ بأعلى صوت
مصر لا يمكن تموت
مصر لا يمكن تموت