شوقي الشيخ
انا وهي وبينا حكايات
كلامها معايا صمت وبيه سكات.
بنزعل شوية وبنفرح ساعات
لو هحكي حبي ليها انا هحكي روايات
باختصار حبيبتي جميلة الجميلات
كل حرف في اسمها واصف حبيبتي ملامحها وشكلها.
شوف مجدها سنين صبرها. تقول ربنا يحميها ويعز شعبها.
يابختها مين قدها كل اللي يشوفها يحبها.
وهي حبيبتي وبحبها ومش عيب اني اقول اها
ما انا فيها وانا ليها وانا بحياتي بهاديها.
مش بأيدي مغرم انا بيها. بايامها ولياليها
بشوارعها وحواريها. بنيلها ومبانيهاوريفها وأراضيها.
وبيوتها واللي عايشين فيها. نفسي احكيها واحاكيها.
واعملها غنوة واغنيها واوصف مشاعري وانا ديها
وأقول حبيبتي يا حبيبتي.
يا طبيبتي يا صديقتي يا اميرتي يا فتاتي
يا ملاكي يا آهاتي يا ذكريات.
عمري اللي فات واللي آتي.
يا ارق نسمة في الوجود بين الورود.
لما النسيم بيعدي صدفة بتأسريه وبتملكيه وبتعيشيه اجمل عهود.
ويقول انا موعود بحب مالوش حدود
دا وعد من الوعود ويحلف يمين ليرجع ولا يعود
حتي الطيور مهما تلف ومهما تدور وتسكن قصور.
مبتلقيش حد يواسيها حد يناديها. حد يلاغيها غيرك انتي يا بدر البدور.
كل الجيران مستغربين مستعجبين متحيرين ازاي تكون.
كل الهموم جواكي وانتي نبع الحنان بر الأمان
لحن الشجون
يا ارق حضن وادفي قلب وأحلي ما في الكون
لو عشت عمري والف عمرعلي عمري.
مقدرش اوصف احساسي بيكي وحبي ليكي دا سر وجوايا مدفون.