طاهر مختار
كلمه من الصعب تنطقها ومش خايفه ع شعور جوزها.
ومشغوله دايما بمشاكلها حتى بحبك اصبحت شئ صعب بالنسبالها.
كل شويه تنزل دموعها والعيشه شئ صعب دايما بيواجها.
حتى مش فاكره بداية عيد جوازها ولا يوم جميل كان بيسعدها.
العمر منها عدى ومش حاسه بأى حاجه حلوه كانت سبب ف وجودها.
الدنيا بتلاعبها وكل يوم مشكله بتمر من قدامها وتشغل أفكارها.
حتى اللحظه الحلوه مالهاش بدايه من وجهة نظرها واصبحت قضيه بالنسبالها.
جوزها عايز يقرب منها لكن تعبانه ودايما مضايقه وكل شئ سئ ف نظرها.
تنام وتصحى وتلاقى المشاكل ف انتظارها والدنيا مخالفه سكتها.
معاها ومع غيرها فين الحب والحنيه والكلمه الجميله الهاديه اللى بتسعد جوزها.
حتى الحب اصبح مجرد كلمه ومع مرور الايام انتهت رحلتها.
ومافيش غير المشاكل والهموم اللى واقفه بتحاربها ودايما بتواجها.
لازم نراعى مشاعر غيرنا بكلمه حلوه تريح قلوبنا وتزيل دموعنا.
وننسي الهموم شويه وكل شئ بالصبر والحكمه تكون سر نجاحنا.
ولازم ف مشاكل تواجهنا لكن نقدر حبنا ونكمل رسالتنا.
بنيه صافيه تنسينا جروحنا ونخلى الدنيا ف صالحنا وشئ يسعدنا.
مش نتعب نفسنا وغيرنا والكره يعشش داخل صدورنا.
من حقنا نعيش حياتنا ونرتاح شويه ف دنيتنا ونفتكر أيامنا.
الحلوه اللى كانت سبب والدافع لوجودنا ونرجع ذكرياتنا.
دا كل شئ مكتوب ف ورقه مشاكل وهموم وفرحه تشغلنا.
ولابد تواجهنا ليه ننسى ونحاول نضمر حياتنا بإدنا.
لازم نمارس نشاطنا دا العمر لحظه ونفرح ونخلى البسمه ماليا شفايفنا.
وننسى الحزن اللى ضمر صحتنا ونصلح عيوبنا بكلمه حلوه ترضى ازواجنا ...