عشق الشاى

بهاء اللبودي

وكأني مسافر ساعة الصفر
والجو ملخبط سقعة و حَر
والحزن معايا في مُكنة تمام
..
بما ان انا شارب كاس المُر
والنني الحاقد حبس الحُر
فانا هعمل نفسى إحزني بنام
..
انا فاكر مرة خانتنى الشمس
حلفتلى عيونها بأجمل همس
و فثانية مليتلي الهوى الغام

"الخاينة باعتنى العتبة كلام"
........
بما أن الصالح اصبح رف
واكمني الطالح نازل حَف
فأنا هخلى بحالي سنين قُدام
..
من امتى النسر بيصبح رُخ !
ولا امتى الصقر احتاج للفخ !
وازاي هتقوود الحرب مدام ؟
..
انا طالع رحلة لغاية شرم
ومعايا مواصلة لحد القِرم
 وهصاحب مُزة من الافلام

"ف cu يا برنس الحتة سلام"