عشق الشاى

يوسف الحمله

أنا مش عامله الليلة حواجبي
ولا حـاطـه كُحـل فـي عنـيه

ولا حتى هقوم بواجبي
لـو هـتلـم الـدنـيـا عـلـىَّ

تقول دي ناشز وكلام شاذذ
تـقـول الملايـكه هتلعن فيـا

إزاي تـتـجرأ وتـمـد إيـــدك
علشان ايه باظت الملوخية

طب والنبي ما انا قاعده فيها
وأنـا وعـيـالي مــن الـفـجـريـة

على بيت أبـويـا وأمـي وأبـقى
وريني نفسك يا بتاع الملوخية

مفتكرتش وشقايا ضايع عليك
وز وبط وحمام وفراخ مشوية

وكل ما أقولك كلف يا سيدي
ألاقي سيدي آه يتمسكن علىَّ

ويقولي دانا مـن شيل الطوب

على كتفي الصحة بقت هافيه

وتفضل تردح زي جارتنا
كل يـوم ساعة الضهرية

يا راجل خلي عندك نخوة
وبطل تـرمـي الحمل علىَّ

ولا أنت اتجوزتني علشان
كل يـوم تـبـهـدل فـيـا

وجايبلي فاس وكمان خطاف
وألـف كل أراضـي الـقـريـة

وانت ع الكوبري قاعد متهندم
تتفرج ع الـنـاس اللي مـعـدية

يالي بـتنـادو بحقوق المـرأة
تعالوا شوفوا المرأة الريفية

طفحه الكوته وساكته وعايشه
ولا تـعـرف حـاجه عــن الحـنيه

وكل يــوم جــنـب الـرجــاله
في أراضي القرية باليومية 
ـــــــــــــــــــــــــــــــــــــــــــــــــــــــ
وللـحـديث إن شاء الله بقـيـة ـــــــــــــــــــــــــــــــــــــــــــــــــــــــ