مجدي الحضري
حرام عليكي
ضيعت عمري كتير في حبك
ضيعتي قلبي وحبي ليكي
خنتي حبي وبعدتي ليه
وأنا اللي ياما ناديت عليكي
كنت بحلم بلقاكي دايما
واشتاق لنظره من عنيكي
وهبتك أنتي كل عمري
مطمرش ليه الحب فيكي
حكايتي معاكي كانت حكايه
بدأت بكلمة وصبحت روايه
شفت فيها حاجات كتير
موتت الأمل جوايا
كانت أيامنا حلوه
عشناها بكل فرح
دارت الايام علينا
وجنينا منها جرح
كنت بحلم أعيش معاكي
كل أيامنا الجميله
فرقت بينا الظروف
وأعمل ايه ما بيدي حيله
هي دي يا ناس حكايتي
قلتها رغم الظروف
وحسيت براحه لما حكيت
وانتهي جوايا الخوف
انتهي جوايا الخوف