إسلام عامر
هاتي يا دنيا كمان هاتي
كل خداعك أصبح عادي
عمر الفرحة معايا قصير
دايما اتوه كتير واتحير
والحزن منور
كل حياتي
من يوم ما وعيت
أنا عليكي
بحايل فيكي
واداديكي
طفل صغير كله ألام
ماتت جواه كل الأحلام
من ظلم وقسوة الأيام
عدا العمر
فراق وخصام
وندمت على وجودي
فيكي
هاتي يا دنيا
كمان هاتي
كل الحكاية م الأول
الجرح معايا بيطول
ومافيش اخلاص ووفا فيكي
وان يوم ضحكت من قلبي
الضحكة كانت تتحول
لبحور دموع ف عيوني
ماقدرتش ابص ف مرايتي
لبست يومها نظارتي
والدمع جرح لي جفوني
حتى الحبايب وعدوني
مايفرقوا قلبي يفوتوني
غدروا بيا وجرحوني
وسابوني لشكي وظنوني
كل الأطبة احتاروا معايا
مافيش بديل أبدا لدوايا
غير قلمي يكتب
اشعاري
وتطفي حروفه
عذاب ناري
وف النهاية أنا حاتغير
ده العمر بيجري وقصير
وابيع كل اللي باعوني
هاتي...هاتي
هاتي يا دنيا
كمان هاتي