أحمد ابراهيم
اياك تكون فاكر فى يوم
انك مخلّد ف الحياة وبقوتك
هتلف طولها وعرضها اصحى وفوق
ده الموت ده فوق والقبر ينده ليك بشوق
تحت التراب هتعيش وساكن ظلمتك
والله الحياه مالهاش حبيب
يا ابن أدم عيش غريب
كام سنه راحل هناك
قبرك هناك
عملك هناك
والصرخه فيها دمعتك
يوم الحساب والموت هلاك
يا ابن ادم افتكر انك تراب
حبة تراب متجمعه حبة تراب
صحصح وفوق ده الموت غروب
والمال سراب حتى العيال وكل شئ
بتودعوا حتّة كفن مالهوش جيووووووووووووب
صحصح وفوق الموووووووووووووووووت هنا
واقف هنا طال النفّس ولا قصر
طالت سنينك ف الحياة
لابّد عن روحك فى يوم راح تنفصل
وينادي نادي م السما يا ابن ادم يا ضعيف
فين قووووووووووووووووتك
فين ضحكتك
فين دنيتك فين القصووووووووووووور
وحدك وراقد فى التراب وحدك بتبكي بصرختك
صحصح وفوق
حتى الكفن مالهوش جيوووووووووووب
والله ماتسوي الدنيا شئ قبرك يضيق
وحدك غريق
فى العذاب فين الشباااااااااااااااااااب
فين قوتك
فين سلطتك
اياك تكون فاكر فى يوم انك مخلّد ف الحياة
هتهّد كل الكون بحاله بقوتك
اياك تكون اياك تكون
صحصح وفووووووووووووق