احمد بيومي
من حبى ليك ..
نفسي أكتب على كفك قصيدة ..
الحبر موجود ..
بس كفك عصفور ..
هرب في لحظه مني ..
ومعرفتش أصيده ..
✿
بحبك موت ..
يا للي يومي يتيم ..
إذا في يوم متكلمتش معاك ..
أيوه كئيب وقتي ..
اللي مكنتش بقضيه معاك ..
قولي بس أعمل أنا إيه في هواك ..
يا اللي مفيش حد في جمالك ..
وفي دلالك ..
وفي غلاك ..
✿ ✿ ✿
غلب غلبي معاك ..
هو فيه حد يروح يفتش حلم حد ..؟
لأجل يتأكد ..
إن مفيش حد غيره بحلم بيه حبيبه معاه ..؟
غيرك انتِ ..؟
ده انتِ بقيتي عامله زي الفاتحة ..
موجوده في كل صلاة ..!
✿
ولسه كل شويه تسأليني ..
إن كنت فعلا بحبك ..؟
طبعا بحبك ..آآاااه ..
وهو فيه حد مجنون ما يحبش ..
حده حبه بالشكل ده ..؟
جننتيني معاكِ ..