عشق الشاى

تامر ابراهيم عيسي

نسيتى تامر دا مين " نسيتى خلاص ياشيرين

دا كانت همسه منى " تحييكي طول السنين
-------------------------
اخدتك من الضياع "  وعمري عليكى ضاع

لما قويتى نسيتي " وقلبك خان وباع
---------------------------
زمان ياما اتمسكنتي "  لما مني اتمكنتي

دلوقتي بقول ياريتنى " سبت قلبك حزين
---------------------------
نسيتى انا ابقى مين " نسيتي انا ابقى مين
 -----------------------------'؟

الله يرحم زمان " مكانش ليكي كيان

بنيتك حب وغرام " وفي لحظه عليكي هان
--------------------------------"
كنتي بتتمني لمسه "  كنتي بتستني همسه

كان وقتى معاكي يخلص " باليوم وتقولي ثانيه
--------------------------------------"
علمتك فى حضن قلبي "  نسيتك كل اللى قبلي

ضعفت ودا بس ذنبى " واستاهل اعيش حزين
نسيتى انا ابقى مين
---------------------------------"؟

عشانك عشت اضحى " وكانت نقطة ضعفي

اني بخاف عليكي " وانتي لعبتي بعواطفي
--------------------------------------"
من نفسك خفت عليكى "  بدموعي جيت اناديكي

وماكنش ضعف مني " لاني كنت شاريكي
----------------------------------------"
جربي غيرى وهتلاقى "  لحضني تاني هتشتاقى

لكن مش هفضل باقى " على حبك يا شيرين
------------------------------------------"
نسيتي تامر دا مين " نسيتي انا ابقى مين
--------------------------------؟