احمد ابراهيم
ومتغرب علي جناح الوداع
ماسك سراب مكتوب
ومش حابب ولا محبوب
انا الساكن في غربه يدوب
وبتنفس خداع مكتوب
علي وش اللي قال
جايب ربيع بورود
وانا الساكن خريف واخد
ضياع أملي وانا الضايع
ما بين يومي ومابين امسي
وانا همشي لحضن الليل
وأعيش باقي الحياة ضايع
انا الطامع أكون انسان
مجرد اني أكون انسان
أحس اني انا انسان
أعيش عارف هنا اسمي
متهوشي تاني في دروبي
بشوك جارح هنا أيدي
يا دنيا عاليه بالاسوار
وكدبك زاد واحمالي هنا تزيدي
واحمالي ماليها حدود
وباب مردود
في ليل طاغي بألم مكتوب
وحقي فيكي مش حقي
وانا شارب كتير ألمي
وطال فيكي وطال صبري
وأقول ايام وهتعدي
ما بتعدي وبتعندي
ومتغرب علي جناح الوداع
ماسك سراب ماسكه انا بيدي
واه يا دنيا كدابه بمليون وش
كتيرللخسيس تدي
وفاح ريحة وساخة غش
وانا واخد اهات جرحي
مابتحسي ولا شايفه
يا دنيا بالنفاق عيمه
ولا الحق عاش فيكي
في حض الظلم بتعيشي
في صدر الغدر بتمرسي
طقوس خاينه
يا دنيا من زمان خيانه
ولا قلبك في يوم بيحس