إسلام عامر
فاكرة يوم ماحبيتك وحبتيني
فاكرة لما قولتلك حاغيرك
وتغيريني
فاكرة لما عاهدتك
وعاهدتيني
لابعد يوم عنك
ولا تنسيني
واتواعدنا
لا اجرحك
ولا تجرحيني
فاكرة
واتفقنا نختلف
ممكن اكيد
نبعد
مش اكتر من يومين
ونرجع
وتزيد اشواقنا
من جديد
نسيتي الشوق والحنان
وحبي ليكي وقلبي هان
وقلبك كان قاسي عنيد
فاكرة
فاكرة
الوقت والمكان
فاكرة الصمت والكلام
فاكرة الدموع والألام
وسهر الليالي ومر الخصام
مع كل فجر جراح تكبر تزيد
فاكرة الأماني والاحلام
وراحة البال والامان
وذكرياتنا ف الاماكن
يعدي يومنا كأنه عيد
فاكرة الشوق
والغرام
لما تشوفيني واشوفك
كل نهار يوم جديد
وكل ليلة ف كل منام
ولا كان يطول مابينا خصام
فاكرة
ولا القلب الحنين
اتعود على
النسيان
ولا كلمة
بحبك
ملهاش جواكي
مكان
ولا قلبى اللي حبك
حايعيش ع الأحزان
فاكرة...فاكرة