عشق الشاى

اسلام عامر

قلبي ف حبك ماندمش
غير بعنيك ماحلمش
انت اللي ساكن فيه
وحبك بيقويه
ازاي بتكون ناسيه
وكان مخلص
ليك ماظلمش
اسكت متتكلمش

اسكت متلمحش
بكلامك ومتجرحش
عايز تبعد ابعد
من غير اعذار كتير

حبك ف قلبي كبير
مفيش ليك فيه بديل
مش محتاج دليل
ولا شرح ولا تفسير
عليك بخاف واغير
وكانت غلطة عمري
معاك صراحتي
اسكت متتكلمش

لو كنت داريت عليك
لما سألتني عنيك
مين حبيب القلب
مين طبيب الروح
اللي شاغل بالك
ومسهرك لياليك
ومغير كل احوالك
وبتبعت لقلبه سلامك
ونار شوقك وغرامك
ماكانت خلصت حكايتي
ولا كنت كتبت نهايتي
اسكت متتكلمش

دايما حلوة البدايات
أحلام جميلة وامنيات
تنسينا جراح الماضي
وعذاب الذكريات

دايما صعبة النهايات
بالهجر وبالعناد
والسهم ف قلبي
عدا فات
ح يفيد بأيه الكلام
وانت اخترت الخصام
أنا خدت ع الألام
وأوجاع الأهات
اسكت...اسكت 

اسكت متتكلمش