عشق الشاى

احمد جمال

حاسس إنِّــــي بقالــــــِي فتــــره
بعيــــــد عـن ربنــــــا ومتغــــــرَّب
وروحي سايباني ومنّي بتتســرَّب
بتفرَّج على روحي وشايفها بتبعِد
وياريتني بعمل حاجه بيها تقـرَّب
حياتــــي وشُغلـــــي خَدونـــــــي
مبقــاش فـي صــلاتِـي خُشــوع
ولا ف دعائـي بتبكــي عيونـــــي
بقيــت ســــارح ورا شُجـــــــوني
ياتـــرى هفضـــل كــده بعيــــــد ؟!
يــــــارب خيِّــــب ظنونــــــــــــي 

سمعت صوت من بعيد بيقوللــي
............ إفــــــــرح .............
إفرح ياللي كنت عن ربنا متغرّب
إفرح ياللي كان نفسك ليه تقرّب
الفرصه جاتلك عشان ترجعلُــــه
رمضــــــــــــــان قــَـــــرَّب 

رمضان الصُحبه الصالحه والتسبيح
رمضان الخير والبركــه والتراويـــــح
رمضان اللمه الحلوه ساعـة الفطــار
رمضان حسنات طول ليــل و نهـــار
رمضان الصدقه اللي بياخدها فقير
رمضان البركه في القليل يبقى كتير
رمضان فــــرحة شنــــــط رمضـــان
رمضان رحمــــــــه و مغفــــِـــــره ..
و عِـتــــــــــق م النيــــــــــــــــــــران
رمضان جاي .. دي بجد فرصتــــك
 انك تعدِّل مسارك وتصلَّــح غلطتـــك

ولازم تعـــــرف كمــان انـــك ..

مهما عملت ذنوب ربك بيغفرهـا
بس توب وإرجعله وهوّ يبدّلهــــا
لحسنــــات ولخيـــــر يتكتبـــلك
مش بس بيمحيهـــا ويشيلهــــا
شفــت ربّــك كريـــم قــد ايــــه ؟
بيديك الفرصه انك تقــرب ليـــه
بس إنت إعمل خير وتوكّل عليه 

سمعت الكلمتيـــن دول
وقلبي بقى فرحـــــــان
وقررت أبدأ من دلوقتي
 أستَعـــد لـرَمضـــــــان