حسان الخطيب
ها وليدي اسمع وافهم المقصود
من كلام ٍ ما لنا عنّه محيدي
اليا صار عمر المرء من الله محدود
لزومٌ يعيشه فايداً مستفيدي
لا تقرب رفقة السَّوء لا تعاشر المقرود
ذولا من اللّي تُضمرلّك مكيدي
دوّر على اللّي بالكرامات مجنود
طيبٌ ونوماس عن الزّلّات يحيدي
لو صار قلبك للرعابيب مشدود
فكّر بطيب العيش والعمر السعيدي
دوّر على بنت الأجاويد وسعود
المسعد اللّي بذراهن رغيدي
بين الرعابيب فروق من البدا موجود
بين السما والقاع تسمع له هويدي
خُضر الدّمن خلّك وبينهن الصدود
إبعد عَ مدّ الشوف عنهن وْحيدي
لا تغرّنّك قصّة الشاليش وجعود
عيون الزرق وسنّ الذهب زهيدي
دوّر عَ غيدا حسب ونسب محمود
اعمامها والخال للغيدا عميدي
بيّها والجدّ هيل المضافات والجود
عند الشفق حس المصوّت رشيدي
داعيَ الضيفان كارٌ للأبا وجدود
ذابح الحيلان يدلف سمنها يزيدي
لا تأمن الدنيا تنكْسنّك باللهود
غصّات الزمن كن صلّ سمّها يميدي
إحذر من الأيّام ورابط عَ الحدود
ولا تهزر اعوادنا المنهم تستفيدي
خلّك على الدوم عن الكرامة تذود
أمّا الشرف خلّه بدمّ الوريدي
الوطن وَدَّه رجال يحرسوا الحدود
وملكادهم رؤوس الطعاس العنيدي
ها كارنا من دور هاني بن مسعود
بسلّ السيوف ولامعات الحديدي
وعند اللّزم عَ دمنة الدّار موجود
احرص على جيرانك شيبٌ ووليدي
خلك مثل هيصورٍ عن الحمى ذود
كشّر عن نيابك واجمز على الصيدي
واختم كلامي بحمد عالياً معبود
وبالصلاة عَ الأنبيا أختم قصيدي