عشق الشاى

بقلم: علي عسكر

إحمد ربنا وأشكر فضله
وبطل تكفر بالمكتوب
وخلي لسانك يفتح سكة
تصحح بيها أي عيوب

أصل الدنيا مش مستاهله
نضيع كل الفرص السهلة
وإحنا أساسا واخدين مهله
يمكن نفهم الملعوب

والطريق المستقيم
لساك تقدر تمشيه بكيفك
قبل مايدبل عمرك منك
ويميل عودك ويغيب طيفك

إياك ترضي تعيش مذلول
وتكون تابع ... أو دلدول
وتكون أعمي ومش مشغول
إزاي تفلت من تكتيفك

ارمي الحمول ع المولي
وعيشها علي مهلك
وازرع بوادر أمل
وفرحة تستهلك

وإبكي في كل سجود
تعيش ال جاي مسنود
من رب العباد موعود
ولقربه يندهلك