بقلم: حسام غنيم
ليه حيران منى
والشك تملى بقلبك
بوعد وعدته ليك قدام ربى
وحب بيا راسمه بعنيك
من يوم ما لمست روحى ضيك
وكلمة منك بليل كان نهارى
بهمسة حب وقرارى
إن مش هبعد عنك
حتى لو إنت بعدت عنى
وجريت ورا حيرتك
وسط أحزان عشت فيها طول عمرك
من غير ما حد يحسك غيرى
بحب رسمته روحى حواليك
من غير ما أكون قدامك
عشق الروح من عالم تانى
ماشوفته إلا وياك
وإحنا بنرسم دنيتنا
رغم عذاب بعدك
ورا أوهام عايشة بيك
خوف مالك كل ما فيك
دا أنت حب كبير بروح ظلك
تحرسك وتقوى قلبك
ياحبيبى وحياتك عندى
وإنت تعرفنى أكتر منى
لا خوف ولا ....هيقدر يبعدنى عنك
حتى لو مات جسد بدنيا
هتفضل روحى بين عينيك
ونار حامية على كل اللى غدربيك
بنظرة حزن ليه إنى مش بين إيديك
وصحينا بعد حلم جميل
لسه همسك جوايا مايغيب
رسم الفرحة على شفايفك
من سنين غايبة وليل طويل
ياحبيبى إنت حبى مهما طالت السنين
وحياتك ماتغيب شمسك
عن أرض أنت نورها
ولسة فيها همسك
يصبر قلب رغم الأنين
من حيرة بنفس ليا
حتى لو كانت غايبة خلف قيد حديد
وناسي إن روحك بي قنديل
بحبك ومليش غيرك
ياحبيبي