بقلم: عاطف محمد عبد الفتاح
لم ولن نقول
بلدي وبلدك
مسلم مسيحي
مصريين
بصوا يا جماعه
الخطر جاي منين
حطوا عنينا على
شوية مشاكل
نفضل عليها
نتشاكل
ده بدقن طويله
بص الصليب
قد ايه كبير
لابد نخلي بالنا
دا المخطط كبير
يلفوا علينا
ميت لفه
وهما سايقين
عارفين منين
يمسكوا الدفه
لحد ما نقع في بعض
ونفضل متخاصمين
ولا نروح شمال
ولا نيجي يمين
وهوب من غير
إحم ولا دستور
يجي علينا الدور
و بصوا على اللي
حصل زمان
قسموا السودان
الشمال تبع الخرطوم
والجنوب تبع دارفور
ودلوقتي العراق
دي تبع بغداد
ودي بقت كردستان
لازم نصحى ونقوق
ونبص لبلادنا
و نعلى بيها
لفوق
هما عايزين كده
بس مصر بتنهزم
على ايدين ولادها
كل العدا
من الهكسوس
للحملة الفرنسيه
للاحتلال البريطاني
لحرب أكتوبر
كله على أيدينا
بينهزم .
هنفضل رافعين
راية بلدنا
للاعالي وفداك
يا مصر كل غالي