بقلم: عادل سيف
أنا آسف وعندك حق
تقولي اني معنديش قلب
أنا آسف بقولك لأ
حقيقي اني مليش ف الحب
واحب ازاي وناس قبلينا
دموعهم لسه ماليه عنينا
ومين قال إن انا مش نفسي
لكن والله ما بايدينا
وخايف اني اقولك آه
وأسيبك يوم وأشيل الذنب
انا اسف وعندك حق
تقولي اني معنديش قلب
انا اسف بقولك لأ
حقيقي اني مليش ف الحب
............................................
..............................................
وده الظاهر وده المعلن
مشاعري تبقي مرفوضه
وقلبي كان بيتقطع
لما اكتب مهيش مقصودة
ساعات لما نصادف حب
ظروفنا بتبقي محدوده
ساعتها حياتنا تقلب غلب
انا اسف وعندك حق
تقولي اني معنديش قلب
انا اسف بقولك لأ
حقيقي اني مليش ف الحب