بقلم: حسام غنيم
حبيبى
شوفت عيونى وهى حايرة
فى الشوارع دايرة
تدور عليكي من همسة
يدوب القلب منها
هاحس بيكي وإنت ماشية
حتى لو ماشافتك عنيا
دا روحى بيكي عايشة
حتى لوناسية
حبيب عيونه حايرة
حبيبى
بكلم نفسي فيك
تصحى شوق بيك
لحبيب عايش حواليك
وبين وريدك سبيله
ما يعيش لو بعدتى عن جبينه
وهى بتلمع من الفرحة
قدام عيون فى نظرة سارحة
وتميل وتسلم برموشك
بدلال حب مرسوم على خدوك
بكلمك مع إنك حاسة
بشوق بيا فى صرخة
للدنيا حتى لمحة
لخدودك وهى فرحة
بظل ليها ما يبعد ثانية
عن عيون جارحة
حبيبى
إن قسيت عليك فى كلمة
طالعة من جوايا نار حارقة
دا علشان حبك فيا
بركان فى ثورة
ماتنطفى ناره
إلا بين إيديكى
وعنيا جوا عنيكى
رسمت فرحة حتى بين كل كلمة
حتى لو كانت جارحة
دا من حب ليك فى صرخة