بقلم: اسلام عامر
صعب اقولك ع اللي بيا
خايف احكيلك وتلوم عليا
سنين بخبي عليك واداري
حبي وحيرتي وانشغالي
قلبك امتى يحس بيا
انت روحي ونبض قلبي ونور عينيا
آه لو تعرف قد ايه القلب حبك
وتشوف بعينيك الشوق ف عينيا
يا أمل حياتي يا امنياتي
يا ذكرياتي يا فرحي يا جرحي
يا أوجاعي وآهاتي
صعب اقولك
ع الشوق اللي مسهر عينيا
تعند وتخلف معايا
ويقسى قلبك عليا
وتجرح فيا
وتبعد عني ومنك تحرمني
واهون عليك وتنساني
وتسيبني لجروحي واحزاني
وانت ما تهون يوم عليا
صعب اقولك
حبي ليك مش محتاج دليل
بعدك عني عذاب وويل
بيسهرني ويحيرني
مع النجوم وقمر الليل
صعب اقولك
رسمت صورتك جوه قلبي
كتبت اسمك فيه
أعلنت حبي
مابقتش قادر عنك اخبي
بحبك بحبك
وصعب اقولك اني بحبك
صعب اقولك