بقلم...../ عاطف بيومى محمد
بتبقى معايا وواحشني
حتي لو كنت انت جمبي
بحبك بسرعة قفل عيني
وبسرعة رمشي ع جفني
بحبك قد الدنيا بحالها
وبحبك بكل عدد شعرى
بعشقك اكتر من عينيا
وبموت فيك وانت فحضني
بتنفسك كأكسجين الحياه
وبستنشقك بأنواع عطرى
حسبت حياتي معاك
لقيتها جنه ولا ف حلمي
حسبت الساعه والدقيقة
ازاى من غيرك كنت متهني
ازاى انا قبلك كنت عايش
ف الدنيا ديا كنت بغني
الحمد الله اني لقيتك
ف طريق السعادة مستني
وبحمده اني حبيتك
وبقيت بحسب الثانية من عمرى
من انهارده انا كلى ملكك
اتحكم حبيبي واتصرف
معاك ع الحلوه والمُره
يللى بوجودك انا بتشرف
قبلك كنت اعرف كتير من بنات
سامحني كانت حاجه تقرف
كانوا مختلفين من كل البلاد
وذكرياتهم منها كنت بقرف
انا بحبك وراضي لأمرك
اتحكم حبيبي واتصرف
انا حياتي مخلوقه فيك
من غير ما اقول لازم تعرف