بقلم/ الاحمدي شحاتة
حملت الرسايل....
اللي بوصلها للقلوب...
اللي كل رسالة فيها....
تطهر قلوب من العيوب....
وفيه قلوب تروحلها من غير رسايل....
لانها طاهره من كل العيوب...
مريت علي كل قَلبٌ من القٌلوبْ...
اللي عرفتها.....
لقيت فيها اختلاف قٌلوبْ....
مع بعضها ولبعضها....
لقيت فيها قلوب حزينة....
وصمتها يوجع قلوب....
لقيت فيها كسرة القَلْبٌ....
اللي من كسرته من قَلبٌ واحد....
فقد الأمل في باقي القٌلوبْ....
وَالقَلبٌ اللي متاثر بأحداث السنين....
وَالقَلبٌ اللي قلقان وخايف...
م اللي جاي من السنين....
واالقلب اللي اتظلم....
م القريب قبل الغريب.....
وَالقَلبٌ اللي مستني الحبيب....
اللي مش عارف ان كان بعيد ولا قريب...
ولقيت قلوب....
نفسها تلاقي الحبيب....
واللي قلبه في حب ماله....
واللي متعلق بعياله....
واللي مش شايف غير بس نفسه....
واللي قلبه من قسوته....
فاق قسوة الحجر....
علي كل حاجة حَتَيّ ف خياله....
واللي قلبه خالي...
مفيش في قلبه اي حاجة.....
وهو ده صدقني حاله....
وَالقَلبٌ اللي شغلته....
يعلق قلوب في حب قلبه....
ويبقي ده كل اماله....
وكل قَلبٌ مريت عليه....
سبتله في قلبه رسالة....
رسالة
....
....
رسالتي للقلب الحزين....
أقوله ازاي بتحزن....
وانت ربك رب العالمين....
وذكر ربك يسعد القَلْبٌ الحزين....
رسالة....
....
ورسالتي للقلب اللي اتكسر....
اقولة سيبك م اللي غدر....
واحمد ربك انة ظهر...
والدنيا فيها قلوب كتير...
وخلي عندك أمل...
واعبد ربك واستخر...
رسالة....
....
ورسالتي للي القَلْبٌ....
اللي متأثر بأحداث السنين....
اقولة دي مش احداث سنين....
دي ناس قست عليك وظلمت...
وانت قدمت كل الحنين....
سيبك م اللي فات لانة مات....
لانك كنت بترضي ربك.....
وعيش حياتك....
مع اللي يسعد قلبك....
بالامل والأمنيات.....
وانسي الانين اللي انت عشتة....
من غدر السنين....
رسالة.....
.....
ورسالتي للقلب...
اللي قلقان وخايف....
م اللي جاي من السنين....
اقولة علي اية تخاف....
م اللي جاي من السنين....
وانت رزقك وحياتك ومماتك....
م اللي خلقك وهو ارحم الراحمين....
رسالة.....
.....
ورسالتي للقلب اللي مظلوم....
م القريب قبل الغريب.....
وآاااااااة علي ظلم القريب....
والله صعبان عليا اقولها....
لان كان هو الحبيب....
ما هو اصلو مني ومن دمي....
وممكن يكون روحو هي رٌوحِيِ....
وحتة مني.....
وكنت دايماً بقول....
ياريتها كانت م الغريب....
لكنها دايماً بتيجي م القريب....
بس ربك اقرب من حبل الوريد....
وهو أعلم باللي ظلم واللي اتظلم....
وخلي دايماً حسن ظنك باللي خلق...
وهيسعدك ويعوضك...
بس ادعي ربك بالنهار والليل.....
وقول ع اللي ظلم....
حسبي الله ونعم الوكيل....
رسالة.....
.....
ورسالتي للقلب اللي مستني الحبيب...
اقولة اوعي تفقد الأمل....
ودايما تردد باللي فرض عليك القرآن...
يردلك اللي غاب في الاوان....
وربك اكيد هيرد الحبيب اللي غاب....
رسالة....
....
واللي لسة ملقاش الحبيب....
اقولة كل شيئ نصيب....
ونصيبك قاعدلك مهما طال الميعاد...
بس انت دايماً ادعي ربك....
عشان تنول المراد.....
رسالة.....
.....
ورسالتي للقلب اللي في حب مالة....
اقولة حاسب من حب مالك....
المال دة زينة في حياتك....
بس كلة زايل عند مماتك....
أنفق المال في خيراتك....
وربك يضاعف حسناتك....
رسالة....
....
ورسالتي للقلب اللي متعلق بعيالة....
العيال دي بردو زينة....
بس انت ربيهم تربية زينة....
وربك هو الحافظ من كل عين...
حسودة وحزينة......
رسالة.....
.....
ورسالتي للقلب....
اللي مش شايف غير بس نفسة.....
اقولة والله هيجيلك في يوم قَلبٌ....
مش بيخاف غير بس ربة....
ويعلمك ان التواضع لله رفعة....
رسالة....
....
ورسالتي للقلب.....
اللي قسوتة فاق الحجر....
اقولة والله ما مستاهلة....
قسوة القَلْبٌ....
وان كنت فاكر.....
انك بتقسي علي غيرك....
تبقي بتغالط ضميرك...
لانك كل ما تزيد قسوتك....
هيزيد عزابك في آخرتك....
وإزاي بتقسي من قلبك....
وهو موضع الرحمة من ربك....
رق قلبك بذكرك للي خلقك....
وعيش حياة تنعم بيها في آخرتك....
رسالة....
....
ورسالتي للقلب....
اللي شغلتة يعلق قلوب....
في حب قلبة....
علي مين بتلعب بالقلوب ع اللي....
بيقلب القلوب.....
سبحانة..............
بالله عليك بص حواليك.....
لانك زي ما بتعمل هيتعمل فيك....
رسالة.....
.....
ورسالتي للقلب اللي خالي....
الله عليك فرصتك جتلك....
بين ايديك لحد عندك....
إملا قلبك بحب ربك....
وسنة حبيبك محمد....
والقرآن دة ربيع لقلبك.....
تبقي انت اكيد ضمنت جنتك....
رسالة....
....
خلاص ...خلصت الرسايل....
وبكدة بكون وصلت كل الرسايل....
اللي حملتها للقلوب اللي كانت.....
عاوزة تطهر من العيوب....
اما القٌلوبْ........
اللي روحلتها من غير رسايل.....
لانها طاهرة من كل العيوب....
دول مفيش في قلوبهم....
غير حب رب العالمين.....
والمصطفي حَتَيّ ف منامهم....
ومرسوم علي وجوههم....
الابتسامة اللي هيا صَدَقة
و وصا بيهاالنبي.......
والنور اللي باين من جبينهم...
والسماحة والطيبة....
اللي في قلوبهم....
والرضا باللي مقسوملهم....
وحب الخير دة فعلهم.....
ودايماً بيسعوا لمساعدة غيرهم....
لأنهم كل اللي شاغلهم اخرتهم...
وهي دي رسالتي.....
اللي بوصلها لقلوبهم....
اللي اكيد بقت خالية من عيوبهم.....