أشرف الدغيدي
عايشين يادنيا فيكي متغربين
وبعد ماراحوا حبايبنا متعذبين
وشربنا مُرّْ الفراق سنين وسنين
بعد ماكنا فيكي يادنيا متنعمين
وجوه حضن حبايبنا متهنين
كنا سعدا معاهم وف العزعايشين............
ولغدرك وقسوتك مكوناش عارفين
..............................................
كنتي فعنينا جنه وترابك أحلي حنه....
و كانت دايماً سماكي صافيه...............
وشمس نهارك جميله دافيه
وهواكي متعطر بعطر حبايبنا
ليه يادنيا إنتي غداره وغدرتي بينا
بعد ماتفرحينا ترجعي تاني تبكينا
وفيوم وليله من حبايبنا تحرمينا
............................................
بعد ماكنا معاهم بنتباهي بلمتنا
ونفرح واحنا وياهم وايدهم فإيدنا
سرقتيهم وسرقتي منآ فرحتنا
أخدتي حب وحنان وسبتلنا العذاب
همآ في الجنه وإحنا فيكي أغراب
نتألم نقول آاه وما بإيدنا غيرالعتاب