بقلم/ محمود جنيدى
الله عليكى يامّ الولاد البواسل الفتيان ..
يامّ قلب ميعرفش يدّى إلا الحنان ..
يامّ حضن بيحسس ولاده دايما بالأمان ..
يامّ الكلام كل حرف فيه كأنه سلاح ..
تشدى عزم الولد لاجل الكابوس ينزاح ..
وتتبسمى مع إن القلب مليان جراح ..
بتطمئن قلوبنا على مصر الحبيبة زينة البلاد ..
أما بنشوف " نور الهدى " ،
بينعكس على وشوش الولاد ..
وطول مامحمد ماسك سلاحه ،
وجرجس إيده ع الزّناد ..
الاتنين فى مواجهة الصّعاب ..
الاتنين فى مواجهة الإرهاب ..
وأحمد على باب الكنيسة ،
بيحمى الإخوة فى " قداس الأحد " ..
ومينا تحت ميكروفون الجامع ،
والشيخ بيقرا سورة " المسد " ..
يبقى مش حنخاف ياغالية ،
وقلوبنا دايما مطمئنة ..