بقلم الشاعر/ احمد ابراهيم
خايف أحلم يوم ببكرة يجي بكرة ومتجنيش
والربيع اللى بقدومك يبقي جرح مينتهيش
تبقي ذكري وضحكه هاجرة من شفايفي
و جوه بكرة ازاي اعيش
متسا ويش طعم الحياه في بعدي عنك متسا ويش
نفسي اضمك نفسي احسك
نفسي ارسم فوق خدودك بسمتك
نفسي الوّن زهر قربك جنّتي
نفسي اكسّر الف ميل فى خطوتي
نفسي اطير فوق السما
وبنهر حبك ارتوّي
وتسكني قلبي اللى حبك من سنين
خايف أحلم يوم ببكرة يجي بكرة ومتجنيش
يا وتر عازف بشوق
ياقدر قلبي اللي عايش في الغروب
مشتاق حبيبيتي ف لحظه ترجع بالشروق
حبة مطر يروي الحنين
ده انا قلبي عشقك من سنين
متشوّقين عينى في يوم تحضن عنيكي الطيّبين
مشتاق اضمك وانسي الالام السنين
يا حنين ودّع أمل باكي بدموع
والناي بيعزف والوتر وسط الشموع
نزلّه الدموع مشتاق حبيبيتي للروجع
واسكن هنا وارتاح على نبضك واعيش
مليون سنه خايف اعيش
ذكري وغايب ومترجعيش
خايف أحلم يوم ببكرة يجي بكرة ومتجنيش
اصبح خريف والارض بور
والزرع شوك والليل يطول
واصرخ انا بين الضلوع ومتسمعيش
خايف أحلم يوم ببكرة يجي بكرة ومتجنيش
طعم السنين من غيرك انتى متساويش
يا حبيبيتي لسه بحلم نبض قلبي
ليكي ينده انتى فين
بس خايف لسه خايف انى أحلم
يوم ببكرة يجي بكرة ومتجنيش