بقلم حسام غنيم
ايام..
ماشية بينا ومن حوالينا
طيف حبيب عايش فينا
ما يغيب طيفه عن عنينا
ورسم دنيا جميلة قدامنا
أمل فى بكرة يجمعنا
ويحقق ربنا أحلامنا
حتى لو فى دنيا تانية
برضو الحب اللى بنا
أقوى من عصف ظل لينا
أيام راسمة الفرحة على خدودنا
إن كانت القلوب خايفة من نصيبنا
وتغرب شمس دنيتنا
فى شتا طويل ما يرحم البرد أجسادانا
غير حب ماشى فى عروقنا
هوأمل حياتنا رغم غربتنا
ودعاء لله من قلوب خاشعة
يرحم ضعف وقلة حيلتنا
يجمع قلوب عايشة حياتها
وإن كان الشجن فى خطوتها
إنها بعيد عن حبايبها
ويجى ليل يطفى أشواقنا
بلقاء روح بنعشقها
على وسادة أحلامنا
مرسوم وجه ملكة بتميل على حبيبها
بقبلة حياة من ترياقها
وحديث الروح ما يحسه غيره
فى عيونه حكايتنا
لما نور الصبح يسلم على خدوده
من جمال فاق حدوده
بنظرة فرحة من عيونه
إنه كان مع حبيبه
أيام ياحبييى بنعدها بدموع عنينا
وهى سايلة قدام خطاوينا
تكتب قصة حب جميلة
ماشافتها الدنيا الا بين إيدينا
وهى بتسلم عليك
فى دنيتك ماحجبتها وديان وجبال قدامها
وصلت بروح واصلة كل اللى بنا
من حب وأشواق وحلم يجمعنا
إنك بكرة جنبى قدام كل الدنيا
بثقة فى رب كريم بينا
ودعا من قلوب ياما عصفت بيها أيامنا
أيام ياحبيبى ماشية بينا