بقلم/ علي عسكر
انا : بتحبيني
هي : اه بحبك
انا : طب ليه سبتيني
وسايبه الحزن مغرق عيني
ليه فوتيني
وفوتي حياتي وكل حنيني
انا مش قادر
اقولك خاينه
هي : انا مفارقتش حبك ثانيه
والبعد فاتوره خدتها الدنيا
أصل وصوره وهموم هاينه
صدقني حبيبي انا مش خاينه
انا مفارقتش حبك ثانيه
انا : طب ليه بعدتي
طب ليه قدرتي
انك تمشي في سكه تانيه
هي : انا مبعدتش
انا مقدرتش
اني اديلك كل حناني
انت حنانك عاش علشاني
وغطي كياني
انا مفهمتش
ان الفرحه دي مفارقاني
ديما فايته ومش شيفاني
انا مقدرتش اني اديلك
كل حناني
انا : انا بتعذب علشان جرحك
انا مش قادر انسي ملامحك
لا انا قادر انساكي
ولا قادر اسامحك
هي : حبيبي سامحني
لومك ليا نار
تجرحني
والبعد مرار
عمال يدبحني
حبيبي سامحني