بقلم الشاعر/ طاهر مختار
احساس غريب بالنسبالنا لما تواجهنا مشكله لأول مره بعد ماكانت السعاده داخل بيوتنا.
الشيطان يضحك علينا ويخدعنا وقوام وبسرعه تنزل دموعنا وتنتهى بإنفصالنا.
تبقى بالنسبالنا صدمه ونخرج عن شعورنا حتى مش قادرين نسيطر ع أعصابنا.
وتبقى بالنسبالنا ذكرى بعد ماكانت حقيقه بنشاهدها لكن تعمل ايه ف ظلم بعض الناس اللى بتكرهنا.
الغيره والقسوه والعيشه اللى أصبحت ضلمه بعد ما كانت شموع بتنور حياتنا.
ناس مافيش ف قلوبها رحمه وأصبحت دموع دايما بتأذرنا.
وأصبحت معادله صعبه لكن ف الأخر احنا اللى أخطأنا وسمعنا كلام ناس بتكرهنا.
وفاكرين انهم اعز أصحابنا كان لازم نهدى ونحكم عقولنا ونشوف حل لمشكلتنا.
ونحافظ ع أسرارنا ومحدش يدخل مابينا ويكون دافع لفراقنا ونزول دموعنا.
وأصبحت كارثه بعد ماكان الحب مالى نفوسنا أصبحت عداوه بسبب تسرعنا.
مافيش عقل ولا حكمه وعايشين بمزاجنا والنهايه أصبحت مش ف صالحنا.
وانشغل تفكيرنا واهملنا أشغالنا وانكشفت أسرارنا حتى الصحه انتهت بالنسبالنا.
دى قصيده مهمه واكيد هاتنفعنا وتكون دافع للمحافظه ع بيوتنا.
شاعرالعصر صاحب كلمه لها مضمون ومعنى ودى نصيحه ورساله مهمه تفيدنا ف حياتنا.
يارب سهل أمورنا وزيل همومنا وارزقنا الثقه بين أزواجنا وزوجاتنا..