بقلم الشاعر/طاهرمختار
معقوله عايز تنسحب وتستغنى عن أشعارك
بعد الكل ماحبك واحترم كلامك ومتابع دايما ابداعك.
انا عارف ان الحزن مالى كيانك والقرش وسيله لتحقيق أحلامك.
لكن بلاش تستسلم وتنسي حبك لفكرك وابداعك.
يمكن الحظ ف يوم يصادفك وتحقق حلم حياتك.
وبلاش تبكى بدمع عينك واكيد ربنا ف يوم هاينصرك ع أعدأك.
بس اصبر هاتلاقى حاجات كتير تفرحك وترضى ضميرك.
انت لسه ف بداية مشوارك وناس تحبك ومقدره أفكارك.
ورؤيتك للحياه واختيارك لمواضيعك .
مش مشكله شخص باعك او قالك كلمه جرحت احساسك.
لازم تكمل وتثبت وجودك يمكن ترتاح اعصابك ويستمر نجاحك.
صدقنى ف ناس تتمنى تشوفك وتكلمك وتقرا أفكارك.
يمكن الظروف شئ مؤلم بالنسبالك وقلة المال بيهدد حياتك.
لكن دى أرزاق وربنا وحده حاسس بدمعك وعذابك.
ومقدر حبك للناس واحترامك وكل كلمه كتبتها بخط إيدك.
والكل عارف انك جواب مقفول وبتدارى دايما آهاتك.
لكن مسير الفرح ف يوم يدق ع بابك وتسعد اهل بلدك وأولادك.
اكتب وبلاش تيأس وتكون دافع لفشلك وانهيارك.
وحقك ف يوم هايجيلك يمكن صدفه وانت مش واخد بالك.
وحافظ ع أكل عيشك وفرغ وقت عشان تسعد جمهورك.
وربنا يقدرك ويعينك ع كل عدو بيحاول يخرجك عن شعورك.
اهدى وحافظ ع رد فعلك وسيطر ع أعصابك وافتكر ربك وقت انشغالك.
ولو حد أذاك بكلمه تريح بالك وترضى ربك وتزيد حسناتك.
كل شئ مكتوب ف صحيفة أعمالك اللى هايضرك واللى معجب جدا بأشعارك.....