بقلم/ حسام غنيم
إن جه يوم موتنا
وروح طلعت لمالكها
فدا لكل اللى حوالينا
ومش حاسس بمجهودنا
وسط ربوع شاهدة علينا
إن فدينا بأجسادنا
وروح لينا عايشة
ماهتغيب عيونا عنها
بالسما طايرة بتوب جنة فرحتنا
مع حبايبنا
ولكل غراب بيحوم بأراضينا
كبيرهم بعمة فرحان بموتنا
إن مات وردة من ورودها
وريث ليها مكمل مسيرتنا
من دمنا ودم أجدادنا
عمره ماهيخون ترابها
وإن كان وسطنا عيل مش حاسس بقيمتها
وإنها تاج على روسنا
دى مصر هاتحيا بينا وبخيرة ولادها
حتى لو بعد موتنا
واللى مش شايف عزها
قدامها
بكرة مش بعيد عن عيونا
هاتشفوها
تحت راية قائد زاهد بحبها
وماشى بخطوته
لقدام نظرته
مايخاف غيررب العباد
ثقته فيه هى قوته
عرفتوا ليه تحيا مصر حتى لومتنا
دى الدم فينا من خيرها
والعزإن أموت فدا ليها
وشرف الشهادة أمل لينا
زى اللى سبقونا ما علمونا
وأب وجد بكلامهم لينا
ساعة العصارى بأراضينا
بحكاوى عن أجدادنا
بلد ماغابت يوم عن قلوبهم
دى مصر ياناسى تاريخنا
والصادق الأمين رافع راسنا
بوحى من الله إنهم خيرأجناد الدنيا
سلام يا أهالينا
وماتبكوا بكا حزينة
دى فرحة الدنيا قدامنا
بملايكه واللى سبقونا
موكب ماشافته الدنيا
وإفتكروا كل كلامنا
عن أرض غالية قوى بقلوبنا
تحيامصر تحيامصرتحيا مصر