للشاعر / احمد ابراهيم
******************
الفجر زور والحلم كان
حبة ثواني قليّله وكنت انا
طاير انا فوق السحاب
فتّحت عيني لقتني جوة سجن قاسي
ملهوشي باب والفجر زور
والليل عذاب طارح دموع
بين الظلام واقف انا لحظة خشوع
تحت الحصار
فوق الحصار
بين الحصار
والطفل صارخ بالدموع
محتاج رغيف يسد جوع
اه يا يمن سعرك بكام
ارضك بكام وانا لسه بدفع التمن
بين القذايف والقنابل والالم
اه يا يمن تحت الحصار
والليل غريب بحر الوباء والموت اكيد
وكام شهيد يا سعيد
واقع هناك
يا سعيد ده العيد هلاك
وانا قلبي صارخ بالدموع
على طفل مات
وسط جوع طال الحصار
والدمع ساكن فى العيون
صرخة بنات
صرخة شباب
صرخة شيوخ
بين الحصار والفجر زور
واللهي زور حتى سعيد
ساكنه الدموع لحيته
بالل قميص يوسف ومات
قالوا الخوات انه مات
والدم كان دم الحمل
يوسف ما مات
بس الخوات كدابين
فى وسط بير كان مسقطه
صرخة وخوف بس التاريخ
كاتب على كل اللى خان
دم الحمل كان التمن
يا سعيد البس حداد
ده الطفل شاب والورد مات
حتى الربيع هاجر وخان
مين المدان مين البريئ
عمض عنيك افتح عنيك وسط الظلام
اصرخ لضؤ م النوم يفوق
يرجع بنور اه يا يمن
ده الفجر زور
والله زور اه يا يمن اه يا يمن