عشق الشاى

بقلم/ احمد جمال

برَغم إنّي بحـب الصيـف..

وما احبش الشتا 

و لا الدنيـا تبقـى غيــوم ..

والناس متكلفِتـه

لكن يوم ما لمست إيدِك 

عشان أدفّيهـا ...

أوام حبيتك و دُبت فيها

واتاريني ف لحظة صفـا ..

عشقــت حـلاوة البـــرد ..

والشـوق للحظــة دفـى

يـا سِـتّ البنـات ..

وقت البرد خـلاص فــات

و جِـه دوري إنّي أطَمِّـــن ..

معدش له لازمه السُكات

اه بحبـك و انتي كفـايــه ..

عايزِك جمبي تعيشي معايا

نبدأ حياتنا خطوه بخطـوه 

وما يكونـش لحُبّنـا نهــايه

دا مهما عدّى عليكي ومَرّ

حلو جميل أو صعب و مُرّ

بَوعِد إنّي أكونلك صاحب

وافضل أحبك طول العمر

ومهما قابلتي ناس وظروف ..

زادت فيكي شعـور الخـوف ..

م الدنيــا ومـن كـل النـاس

حبـي ليكـي ... هينسّيكي 

و كل حاجه وحشه خـلاص

"زمانِك بتقولي ف سِرّك ..

أيّ كـــلام وبيتقــال 

ما كتير قالولي كده ..

وطِلعوا ف الاخر أنـــدال"

لكـن والله أنـا جايلك ..

بحلِـف إنّي هصونِـك ..

وفـ عيني أفضل شايلك 

لإني محتـاج لوجـودك 

وهعمـل المستحيــل ..

لجل م اشوف الفرحه ..

ماليه يا حبيبتي عيونك