علي عسكر
قولت أخدها من قاصرها
واريح نفسي من الجمايل
قولت أسيبها تشوف مصيرها
تعيش وتجرب ف البدايل
الدنيا رحلة وبنسايرها
وبنسايسها بالهداوه
يوم نلاقي الحب فيها
ويوم بتسقينا القساوه
مهما طلعت ولا نزلت
هيا دنيا أيوه دنيا
زي الشمس لما تشرق
بيكون غروبها في حته تانيه
وزي الحب ما هو رزق
وأغلي هبه مال خلقه
قادر يشفي جراحي وحيرتي
ويعوضني من ال سرقه
بحب تاني ورزق تاني
وعمر أعيشه بدون خيانه
بدون ما اتوه وسط المشاعر
أو أكون ل لحظة سد خانه