بقلم/ عادل سيف
مرتاح لها؟
بتحبها؟!
عندك شجاعة تروحلها
وتقولها؟!
لو يوم صراحتك سببت ليك مشكلة
مستني مين غير انت يحلها؟!
طب دا انت شاعر
والقصايد كلها
هي كمان بتحبها؟!
مستني ايه؟
ساعات سنين العمر تجري مننا
والحب اصلا حاجه غصبن عننا
مش كنت بتقول يا بختها
لو حد شاعر حبها!
اكتبلها
إن الوجود
كل الوجود
مفيهشي حد زيها
طب روحلها
وامسك ورود
واحلفلها
بتحبها
طب قولها
إني في حبك قلبي وصل المنتهي
صارحتها
لكنها
يا خسارة قافلة قلبها
رفضت أساسا اني انطق بالكلام
رفضت أساسا كل أنواع الغرام
كان ردها
ربنا يديم الاحترام
ربنا يديم الاحترام