بقلم/ ياسر عياد
في دنيا الفيس بنقابل
ناس من غير اسم
ووشوش كتير بتتقابل
ومن غير جسم
ناس من الدنيا هربانه
وناس تايهه وحيرانه
ناس هدفها الخير
وناس عايشه لآذية الغير
ناس تقول الحقيقة
وناس بنفوس ضعيفة
في دنيا الفيس
اللى يفهم منشورك يتعلق بيك
ولو غبت يوم يسأل عليك
ناس تشوف بروفيلها تشتاق ليها
وناس تكره تبص عليها
ناس تحترمك
وناس تعاديك
وناس تجيب اللوم عليك
فى دنيا الفيس
بقينا فى غربه عن روحنا
وناس تشبهنا في أرواحنا
وناس عايشين بالاسم وبس
وناس بتعشق بس الرسم
فى دنيا الفيس
ناس تضحك
لكن الضحكه مكسوره
وناس في الحزن مسجونه
ناس تشترى
وناس بتبيع ناس
وناس بتضيع
وناس بتقدم ورود
وناس متخودش منها إلا وعود
وناس تشيل همك
وناس ملهاش غير غمك
وناس تتمنى موتك
وناس يهمهم سكوتك
في دنيا الفيس