بقلم...../ عاطف بيومى محمد
بان الغل والغيرة فِ الصورة
والوسخين حطوني ضمن الاموات
وانا ضحكي كان من المنظر البايخ
بس ضحكي طالع من غير أصوات
كَتبين وفاتي اثر سكته القلبيه
ومأكدينها كمان باحترافيه
وفيه الِلي يقول لا مش معقول
فيه الِلي يقول كلام منقول
وفيه الِلي قال ده مش مقبول
وتبتدّى من هنا الحكايات
حطين على صورتي حداد
محددين اليوم بالمعاد
ده فجر وقلب مليان سواد
فاكرينها هزار وحاجه عادية
او قول تهريج بطريقة كوميديه
والرحمه انتشرت ف التعليقات
دى الرحمه اصلا بتجوز
على الحي وعلى اللى مات
واللى جاى عليا والله سكات
هو كل ذنبي اني شاعر
بيكتب قصائد رومانسية
ملهوش ف اى كلام واعر
مالوش ف قصائد سياسية
لو انتو شايفين الحب قضية
ياريت ف الاصل متحبوش
والله ماشوفت زى ده جبروت
وف المهنه ناس كتير مؤذيه
الناس من الصدمه صابها سكوت
والحزن عمم جوه البيوت
والكل ع البوست راح بيعلق
بيدعي لخالق الملكوت
كنت فاكر الناس فيا هتفرح
مع السلامه بقي واسرح
اىه هدفك انت يازباله
يللى ربوك كانوا حساله
وليه بتتمني اني اموت
ده انت اصلك كورة شراب
الحمار بس فيها يشوت
ما انا مش هاخد معاك وادى
اصل انا بتعالى على الهلفوت