بقلم/ طاهر مختار
نصيحه مهمه تفيدنا ف بداية حياتنا وتخلى الدنيا جميله دايما ف نظرنا.
اننا نراعى ربنا وضمايرنا ونأمن بالنصيب والقسمه ونخلى الفرح داخل قلوبنا.
نبعد الشيطان عن طريقنا ونحافظ ع شعور غيرنا ونسامح ف حقوقنا.
نراجع حساباتنا ونصلح من عيوبنا ونسمع كلام الناس اللى تحبنا وتراعى أمورنا.
نستخدم عقولنا مش نمشى ورا قلوبنا ونعيش أوهام مش موجوده غير بس ف خيالنا.
نتصالح مع أعداءنا عشان ربنا يقبل أعمالنا ونخلى الحب من تانى يجمعنا.
ينور طريقنا وتتحقق أحلامنا وكل شئ جميل بيدور داخل أفكارنا.
نحمد ربنا ع النعمه ونشوف حلول تناسبنا لحل مشاكلنا وربنا هاينصرنا.
ويزيل دموعنا ويخلى السعاده دايما من نصيبنا والفرح يدق ع بابنا.
نهدى من أعصابنا ونعامل بعض بالحسنى وربنا هايبارك ف أرزاقنا.
نعلم ولادنا ونخلى الدين سر هدايه ورحمه تشغلنا وتشغل ولادنا وأحفادنا.
صدقونى يااخوانا دى قصيده مهمه تنفعنا ف الدنيا والأخر وربنا يكون راضى عنا.
شاعرالعصر صاحب كلمه وله هدف ومعنى يقربنا من بعض مش يتعبنا.
ونكون قد المسؤوليه اللى ترضينا وترضى رب العزه والناس اللى تعرفنا..........