عشق الشاى

نبضات / محمود جنـــــيدى 

قالوا النهارده عيد الحب ..

طب وإمتى الحب كان له عيد .؟.

ده مجرد النظرة فى عيونك حبيبتى ،

بتبقى عيد ..

والهمسة منك يسمعها قلبى ،

تبقى عيد ..

ولو مرة سلمتى والإيد جات فى الإيد ،

باحس بقلبى يرتجف والدقات تزيد ..

وساعتها يبقى أحلى عيد ..

ياللى بتقولوا النهارده عيد الحب ..

تعالوا اتعلموا منى ومنّها ..

مد ايدك بوردتين ..

حط واحدة تزيّن بيها شعرها ..

والتانية تحطها كماالوسام على صدرها ..

بص فى عنيها حتقولك كل سرّها ..

حتقول كلام كتير ..

من غير كلام ومش حتفتح بقها ..

وانت كمان خلى عنيك تقول لها ..

خلى نبك بالحنان يوصل لها ..

حبوا حب ..

عيشوا حب ..

حتسّوا إن كل لحظة عيد ..

وميبقاش النهارده بس ..

هو عيد الحب ..