بقلم الشاعر / أحمد إبراهيم
صرخة شهيد بيقول حرااااام
الدم يجري في السجود
طب ليه اموت
راكع وانا مسجون بصوت
ليه الشيطان واقف وساكن
في الصفوف واقف رجيم
طاعن بريء
رافع رايات الكفر فوق
واذان رديء عالي بجحود
حاكم علي ساجد بريء
حاكم بموت
ملعون يا صوت الظلم فيك
ملعون يا فكر الغدر بيك
ملعون يا قاتل كل ساجد
كل راكع بالحريق
صرخة مساجد بالدموع
و بتلعنك أشلاء بريء
بين الساحات وبتلعنك
واه يا مصر
ع اللي غادر بالولاد
متين وخمسة وثلاثين
ساجد ومات
واه يا بلدي ع الورود
وقت السجود وقت الصلاة
كم من شهيد أصبح رفات
ودع حياة راحل و مات
بس الصباح راجع
علي كل القبور
والفجر راجع الف نور
والربيع طارح ورود
بين جبانات لسه الأمل
مكتوب علي جبين الولاد
والنصر نصر
المظلومين الشهداء
يا شمال سيناء
صرخة صبيه بدمعها
كاسي الحداد
شبه سينا وحلمها
ساكنه الدموع
عين الصبيه وحزنها
كاسي الرموش وشيطان
رجيم ماسك سلاح
سفاح وكافر بالنموس
بأي دين تقطف ورود
وقت السجود والدم جاري
ع الحدود
والدم ساقي الرمل لون
واه يا لون الأرض دم
واه يا صوت الجرح ان
باكي بأنين وده زنب مين
دم الشهيد وبأي ذنب
ملعون يا غدر
ملعون يا غدر
ملعون يا غدر