عشق الشاى

علي عسكر

من غير ماتبص عليا
وعنيك تحضن في عنيا
رديت رد يموتني
وقولتلي انك مش ليا

ونسيت أيامنا الحلوه
وايديك كانت في ايديا
بتخطي وتبني لبكرة
وتقول للدنيا أنا جايه

أنا جاية أرسم خطاوينا
ونقول للشوق يجمعنا
ونقول للطير ياحبيبنا
ياللا غني وسمعنا

لكن انت نسيت عشرتنا
ونسيت الحضن الدافي
وهجرت العش وبيتنا
وقولتلي حضنك مش كافي

ومشيت السكة لواحدك
واختارت طريق من تاني
ونسيت ال أخترناه
وال زرعناه في بستناني

ورضيت بالغربه ياقلبي
وقدرت تعيش من غيري
وتنام وتقوم علي دقه
وكلمة مش من تعبيري