بقلم/ بهاء اللبودي
مش عايز اقلد حد
ولا حابب اكون تكرار
مش عايش حائط صد
ولا حلمى اطلع سمسار
مش زارع ارضي بورد
ولا حصنع تانى بود
ما خلاااص فرطوا فالارض
على عين كل التجار
وانا مش محتاج للرد !!
ولا فارقه قبول من صد
وما تنطقى حتى هزار
انا اصلا رافض دورك
بالقسوة دي وياا غرورك
أمّ و حُكْمها بالنار
انا رافض اعيش مستنى
كما رافع ايدى متحنّى
وما عودت حبات متمنّى
من الهزل ده أى عمار
وان كنتى بصحيح امى .
تسيبيني اهاجر وامشي
دا الحال مبقاش ومعدشي
و الدار بقى غير الدار