عادل سيف
نفسك؟
نفسك بجد تحتفل بعيد ميلاد المصطفي
امسح دموع اطفال يتامي
ازرع مابين البردانين والسقعانين
لحظة دفا
المصطفي
رمز الوفا
المصطفي
كان لما يجي اذان يتوضي
ويصلي الفروض
ومكنشي بيعدي الحدود
كان بيدعي للمريض
يتمني ليه لحظة شفا
المصطفي
رمز الوفا
كان لما بيقسم ميراث
مكنشي يدّي للبنات( أي حاجة)
او زيينا يدّي الولاد( كل حاجه)
كان حنين
كان بيعدل
في كل حاجه وأي حاجه
كان يوصي ع الأرامل
جاتله واحده عامله غلطة
رجعها يومها
لانها جاتله حامل
كان في حكمه تملي عادل
ومكنشي في الحق يجامل
لكن العجب كل العجب
علي ناس بتحلف
إن حبه ف قلبهم من جوه ساكن
وهما غاية حبهم حلوي وملابن؟؟