بقلم/ حسام غنيم
يعنى اختى لما تبعد عنى
يغيب الفرح ويزيد همى
وتنطفى الشمعة من جنبى
يرحل النور من حولى
والضلمة تبقى ظلى
ليوم لقا ربى
رغم اللى حواليا مش حاسين بغلبى
من يوم مارحلت عنى
حتى الضحكة تتطلع حزينة ياختى
ويوم مابشوفك فى حلمى
تضحك الدنيا ليا
وتترسم الفرحة على وجهى
دا من نورك ياقلبى
إبيض وجهى
والخير اللى قدمتيه بإديكى
ليا ولبلدى
هدية رب راضى عنك
حتى وإنت بقبرك
مانسيتى أخ ياما كان جنبك
بصغرك وعروسة سبحان ربى
جمال الورود رقصت على همسك
فرحانة بيكي
من حسن بهر كل اللى حواليكي
وخلق حيركل اللى حسدك
كلامهم لسة بأذنى
دا هى بنت أبوها
روح قلب أخوها
أوعى حد يلمس تراب عدت عليه رجليها
تولع الدنيا علشانها
يامين يرجعك ليا
ياروح قلب أخوكى
يللى ماشى تملى
بعظمة دنيا فانية
وناسي خلك
إرحم وإرسم الفرحة لو بكلمة منك
تصل بيك يوم لقاء ربك