بقلم/ أشرف الدغيدي
يللي عمري إبتدآ وياك
والدنيا إحلوت ياحبيبي معاك
وكأني فجنه شايفها ولا فالأحلام
من يوم ماشوفتك عرفت معني الغرام
يللي الورد غآر من جمالك وحسنك
وواخد لونه من لون ورد خدك
واحشني ياحبيبي ومشتاقلك
من بعد ماكنت فحضني وسيبتك
مشتاق اشم عبير الورد من خدودك
واضمك فحضني واتوه فعيونك
واطفي نارشوقي من شفايفك وارتاح
وعيني تحضن عينك واعيش فيهم سواح
ورمشك يجرحني اصدق اني عايش معاك
مش عايش حلم ولحاله راح
ماانت عيونك بتوحشني وانت معايا
ونظرة حنانهم بتجنن احاسيسي جوايا
آاااه ياحبيبي آاااه من حبك
واحشني كتير همس شفايفك ف وداني
وايدك تلامس خدي وشعري اتوه في عالم تاني
آه ياحبيبي من حبك واللي عملتوا فيآ
دا قلبي معاك نسي الأحزان والأسيه
ودموعي ما عرفت يوم طريق عنيآ
والدنيا معاك جنه مليانه هنا وافراح
لا فيها ألم ولآ دموع ولآ حتي جراح
مستنيك ياحبيبي تجيني بشوق وحنين
غبت ليله ويومين كأنك غبت عني سنين
آااه لو تعرف ياحبيبي عدوا عليآ ازاي
من الباب للشباك طول الليل رايح جاي
وعيني ع الساعه ياحبيبي كل شويه
واول مره احس بطول وقت الثانيه
خلفت ميعادك ياعمري وگان العصريه
وضاع ساعتين ياعمري من الليله التانيه
خايف تتأخر وتعذبني تاني زي إمبارح
وافضل طول الليل فكري معاك سارح
وأقول ياتري إيه أخرك عني ياغالي
مُستحيل أهون عليك وتنساني
هاقيد شموع شوقي ولهفتي وبالأمل هستناك
وأفضل سهران تجينى نطفي نار الأشواق
ونعيش احلي ليلة حب في حياتنا
وننقُشْ أوقاتها ثانيه بثانيه علي وش القمر
ونكتب كل كلام الغرام علي أوراق الشجر
ونتوج ليلة حبنا وغرامنا بقبلات أشواقنا
ونقيد شموع الحب نزينها ونخلدها للعشاق
الله علي حبك ياحبيبي الله عليه
دآنا مهما اديتك من عمري..عمري كله شويه عليك