الشاعراحمدابراهيم
لما شدّيت الغطى والجفون اتغربت
فجأة شوفت ف حلمى ناس
فوق جزيرة بالدفوف
فجأه شوفت صفوف صفوف
قالوا موسي معاه هارون
ايوة نازل م السما
قالوا ان الخير هيرّجع
والامان هيكون هنا
ايوة جاى المن نازل
سلوى حلوة طعمها
ايوة شوفت الفرحه طله
من عيون كل الغلابه
ايوة شوفت الحلم ساكن
فى الولاد والبنات اجمل صبايا
حلم عابر بين رموش
ايوة عابر م البدايه
يا حبيبتي الحلم فيكى مكتملش
موسي مات ايوة مات
وهارون اصبح رفات
كل شئ اصبح نهايه
فوق جبين الوعد فات
والنسيم بركان خطايه
واللى مات ازاي هيرّجع ؟
والغروب اصبح طريق
والحريق حارق شروقي
اصحي فووووووووووووووقي
وافتحي تانى العنين
ده الشموع خلصت خلاص
والظلام كاسي الشروق
نفسي اصحي يوم وافوق
من شرودي اه يا موتى
من وحوش
واه يا جرحي وسكوتى
واه يا جرحي وسكوتى