عشق الشاى

يصليها / محمود جنـــــيدى
** ** ** ** ** ** ** ** ** **

لو عايــــز تسمع كلام حلو وجمـيل ..
يبقى تصلى الأول على الحبيب محمد ..
ولو نفسك برضـه تسمع نصيحـة ــ
حاقولك صلى على الحبيب محمد ..
ولو حسيت بخنقة كده ف صدرك ..
حتروق بالصلاة على الحبيب محمد ..
ولو انفض الحبايب من حواليك ..
متزعلش وصلى على الجبيب محمد ..
ولو يتخلّى عنك كل قريب وبعيد ..
ميهمكش وصلى على الحبيب محمد ..
ولو ضاقت الأرض عليك بما رحبت ..
حتوسع لو صليت على الحبيب محمد ..
ولو مال عليك الزمان إوعى تزعل ..
حتفرج لو صليت على الحبيب محمد ..
ولو زاد عليك الهم قول يارب ..
ومتنساش تصلى على الحبيب محمد ..
ولو لقيت الدنيا ضلمة قدامك ..
تنور بالصلا على الحبيب محمد ..
فى كل الأمور استعين بالله لوحده ..
وصلى كتير على الحبيب محمد ..
ولو عايز سعد الدنيا ونور الآخرة ..
حتنولهم بالصلا على الحبيب محمد ..
ولو غايز قبرك ينور أكيد حينور ..
بعملك والصلا على الحبيب محمد ..
ولو عايز الشفاعة والفردوس الأعلى ..
وتشرب من الحوض وتجاور الحبيب محمد ..
عليك بالقرآن تنور بيه ظلام قلبك ..
ومعاه برضه الصلا على الحبيب محمد ..
يعنى ياصاحبى مالناش لاانا ولاانت ..
وكل من آمن بالله وبالحبيب محمد ..
مالناش غير طريق الهدى بالقرآن ..
والسّنّة اللى سابهالنا الحبيب محمد ..
فتعالوا نرفع ايدينا كلنا ونقول ..
ونقول يارب صلى على الحبيب محمد ..